Wagyz-nesihat duşuşygy
2021-nji ýylyň 13-nji aprelinde Türkmenistanyň Daşary işler ministrliginiň Halkara gatnaşyklary institutynda Saglygy goraýyş wekilleriniň gatnaşmagynda wagyz-nesihat duşuşygy geçirildi.
Duşuşykda çykyş edenler neşekeşlige, arakhorluga garşy göreşmekde geçirilýän öňüni alyş çäreler barada giňişleýin gürrüň bermek bilen, psihotrop maddalaryň adamy ruhy taýdan tabynlyga eltip, aýratyn howply keselleriň ýaýramagyna getirýändigi barada düşündirdiler. Zyýanly endiklerden daşda bolmak, sagdyn durmuş ýörelgesine eýermek her bir nesil üçin ömür dowamatydyr. Durmuşdan alnan mysallar bilen üsti ýetirilen bu wagyz-nesihat duşuşygynda lukmanlar ýurdumyzda neşir edilýän “Saglyk” žurnalyny okamagy hem-de ýokanç kesellerden goranmakda adamyň gün tertibiniň dogry we dürs berjaý edilmelidigini maslahat berdiler.
Wagyz - nesihat duşuşygynyň ahyrynda ýaşlaryň sagdyn pikirli we giň dünýägaraýyşly bolup ýetişmekleri üçin tagalla edýän Hormatly Prezidentimiziň adyna alkyş sözleri aýdyldy.
Akgözel RASULOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby