11/12/2023
897
Wagyz-nesihat duşuşygy geçirildi
2023-nji ýylyň 11-nji dekabrynda Türkmenistanyň Daşary işler ministrliginiň Halkara gatnaşyklar institutynda ýetip gelýän Täze ýyl baýramçylygyny guramaçylykly geçirmek boýunça ýurdumyzda alnyp barylýan işler dogrusynda wagyz-nesihat duşuşygy geçirildi. Duşuşyga Türkmenistanyň Içeri işler ministrliginiň Aşgabat şäheriniň Polisiýa müdirliginiň Berkararlyk etrap PB-niň KYYIBB-niň gözegçisi polisiýanyň maýory B.Agöýliýewa, Türkmenistanyň Bilim ministrliginiň wekili Umyt Ýaranow, Türkmenistanyň Içeri işler ministrliginiň Ýangyn howpsuzlygy gullugynyň wekili hem-de institutymyzyň professor mugallymlary, talyp ýaşlary gatnaşdylar.
Duşuşykda çykyş edenler sagdyn durmuş ýörelgelerinden ugur alyp ýaş nesilleri sagdyn ruhda terbiýelemegiň ugurlary barada gürrüň berdiler. Şeýle-de ýaşlarda mertlik, watansöýüjilik, halallyk, ruhubelentlik, päkýüreklilik, arassa ahlaklylyk, zähmetsöýerlik ýaly häsiýetleri terbiýelemek olaryň ylymly-bilimli bolmagy üçin döredilýän döwrebap ýaşaýyş-durmuş şertlerini ýerinde öwrenmek barada giňişleýin düşünje berdiler.
Wagyz-nesihat duşuşygynyň ahyrynda oňa gatnaşyjylar Gahryman Arkadagymyza, Arkadagly Gahryman Serdarymyza halkymyzyň saglygyny we abadançylygyny goramakda alyp barýan işlerinde üstünlikleri arzuw etdiler.
Orazmyrat TOÝÇYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.