WAGYZ-NESIHAT DUŞUŞYGY GEÇIRILDI
2024-nji ýylyň 6-njy noýabrynda Türkmenistanyň Daşary işler ministrliginiň Halkara gatnaşyklary institutynda sagdyn durmuş we milli ahlak ýörelgelerini ýaýbaňlandyrmak, hukuk düşünjeliligini ýokarlandyrmak, ýol hereketleriniň howpsuzlygyny berjaý etmek, kanun bozulmalaryň öňüni almak maksady bilen wagyz-nesihat duşuşygy geçirildi. Wagyz-nesihat duşuşygynda Türkmenistanyň Içeri işler ministrliginiň 4-nji müdirliginiň wekili, polisiýanyň podpolkownigi Nepesgylyç Halymow, Türkmenistanyň Içeri işler ministrliginiň Polisiýanyň ýol gözegçiligi müdirliginiň wekili, polisiýanyň maýory Döwran Amanmyradow, Türkmenistanyň Içeri işler ministrliginiň Jenaýat agtaryş müdirliginiň wekili, polisiýanyň maýory Serdar Akmämmedow, Türkmenistanyň Ýokary kazyýetiniň wekili Hajarbibi Handurdyýewa, Türkmenistanyň Magtymguly adyndaky Ýaşlar guramasynyň Merkezi Geňeşiniň başlygynyň orunbasary Döwletgeldi Durdymuhammedow, Türkmenistanyň Döwlet edaralarynyň işgärleriniň kärdeşler arkalaşygynyň Geňeşiniň başlygy Muhammetnazar Gullyýew, Türkmenistanyň Saglygy goraýyş işgärleriniň kärdeşler arkalaşygynyň başlygy Parahat Kakajaýew, Türkmenistanyň Saglygy goraýyş we derman senagaty ministrliginiň Aşgabat şäher Talyplar saglyk öýüniň lukmany Şemşat Arabowa dagy çykyş etdiler.
Häzirki döwürde ýurdumyzda ilatyň saglygyny goramaga we asuda ýaşamagyny üpjün etmäge gönükdirilen ençeme işler durmuşa geçirilýär. Bu duşuşyga gatnaşanlar her bir raýatyň ýol hereketindäki şahsy jogapkärçiliginiň bolmalydygy, ýollarda özüňi alyp barmagyň düzgünlerini berjaý etmelidigi barada belläp geçdiler. Şeýle çäreleriň geçirilmegi bolsa, halkymyzyň sagdyn, asuda we parahat ýaşamagy üçin wajyp ähmiýete eýe bolup durýar.
Maksat ATABALOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň II ýyl talyby.