WAGYZ-NESIHAT DUŞUŞYGY GEÇIRILDI
2026-njy ýylyň 7-nji maýynda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň guramagynda, Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli mekdep okuwçylarynyň gatnaşmagynda wagyz-nesihat duşuşygy geçirildi.
Duşuşykda institutyň Halkara hukugy we deňeşdirme hukuk öwreniş kafedrasynyň mugallymy çykyş etdi. Çykyşyň dowamynda mugallym Türkmenistanyň Konstitusiýasynyň hukuk ähmiýeti, Türkmenistanyň konstitusion gurluşynyň esaslary, Türkmenistanyň Konstitusiýasyndan gelip çykýan adamlaryň we raýatlaryň konstitusion hukuklary we borçlary, Hormatly Prezidentimiziň ýolbaşçylygynda ýurdumyzda her bir adamyň syýasy, ykdydady, sosial hukuklarynyň yzygiderli döwlet tarapyndan goldanýandygy barada giňişleýin düşündirip geçdi.
Şeýle hem “Türkmenistanyň Döwlet baýdagy hakynda” Türkmenistanyň kanunynyň mazmuny hem-de Türkmenistanyň Döwlet baýdagynyň güni barada giňişleýin belläp geçdi. Täsirli geçen duşuşykda okuwçylar mugallyma özlerini gyzyklandyrýan soraglaryny berdiler.
Aýbölek GELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň mugallym-öwrenijisi