USSADYŇ DÖREDIJILIK USSAHANASYNA GEZELENÇ
Ýakynda Türkmenistanyñ Daşary işler ministrliginiñ Halkara gatnaşyklary institutynyñ Halkara žurnalistikasy fakultetiniñ talyplarynyň gatnaşmagynda zehinli suratkeş, ussat mugallym Zakir Babaýewiñ döredijilik ussahanasyna gezelenç gurnaldy. Gezelenjiñ dowamynda talyp ýaşlar ussat suratkeşiñ ýaşlygyna garamazdan, döreden eserlerini höwes bilen synlap, özlerini gyzyklandyrýan sowallary bilen ýüzlendiler. Täsirli söhbetdeşligiň dowamynda nakgaş Zakir Babaýew kärini çagalykdan saýlandygyny, özüniň sungat maşgalasynda terbiýelenendigini, bu ugurdan bilimlerini çyňlaşdyryp, ussat halypalardan sapak alandygyny buýsanç bilen belledi. Ol aýratynam, ýurdumyzda we daşary ýurtlarda gurnalan dürli sergilere gatnaşandygy barada nygtady. Talyplar “Tumar şa”, “Magtymguly Pyragy”, “Saýwan obasy”, “Ahalteke bedewi”, “Alabaýyň wepalylygy” atly eserlerini uly gyzyklanma bilen synladylar. Ussadyň döredijilik ussahanasyna guralan gezelenç ömrüni döredijilige baglajak žurnalistlerde ýatdan çykmajak ýakymly ýatlamalary galdyrdy.
Uzukjemal ARTYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.