11/05/2024
655
Uruş ýyllaryndan ýatlamalar we ýeňşe ýetiren aýdymlar
2024-nji ýylyň 9-njy maýynda Türkmenistanyň Magtymguly adyndaky milli sazly drama teatrynda 1941-1945-nji ýyllaryň Beýik Watançylyk urşunda Ýeňiş gününiň şanly 79 ýyllyk toýy mynasybetli konsert geçirildi. Bu konserde paýtagtymyzyň ýaşaýjylary we myhmanlary bilen birlikde Türkmenistanyň Daşary işler ministrliginiň Halkara gatnaşyklary institutynyň bagtyýar talyplary hem gatnaşdylar. Dabaranyň dowamynda teatryň ussat artistleri , aýdymçylary Beýik Watançylyk urşunyň aýgytly pursatlaryny hakydaňda janlandyrýan pursatlary, uruş ýyllary baradaky we parahat Watanymyzy, bagtyýar durmuşymyzy wasp edýän ajaýyp aýdymlary ýerine ýetirdiler.
1941-1945-nji ýyllaryň Beýik Watançylyk urşy adamzat taryhynda iň bir pajygaly söweşleriň biri hökmünde ynsanyýetiň aňynda ýaşaýar. Bu urşuň dowamynda birnäçe halklaryň wekilleri bilen birlikde türkmen ýigitleri hem söweşip edermenlik görkezdiler. Beýik Watançylyk urşunda Watany, geljek nesilleriň parahat durmuşda ýaşamaklary üçin şirin janlaryny gurban eden gerçekler halkymyzyň kalbynda müdimi orun aldy.
Şeýle konsertlere türkmen diplomatiýasynyň geljekki wekilleri bolan Türkmenistnyň Daşary işler ministrliginiň Halkara gatnaşyklary institutynyň talyp ýaşlarynyň hem gatnaşmaklary, olaryň şöhratly taryhymyza şeýle hemonuň dowamynda ata Watany, eziz halky, ýurt parahatlygy üçin e dermenlik görkezen gahrymanlara sarpasyny has hem artdyrýar.
Yhlas HALLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.