Ulag diplomatiýasy okuw merkezinde sapaklar üstünlikli geçirilýär
Häzirki döwürde Türkmenistanyň 2017-2023-nji ýyllar üçin daşary syýasat Konsepsiýasynyň esasy ugurlarynyň biri bolup Ulag diplomatiýasy çykyş edýär. Hormatly Prezidentimiziň başlangyjy esasynda, Türkmenistanyň Daşary işler ministrliginiň Halkara gatnaşyklary institutyndaky Türkmenistanyň diplomatiýasynyň möhüm ugurlary boýunça okuw merkezinde “Ulag diplomatiýasy” ugruna degişli ýörite tassyklanan okuw meýilnamasyna laýyklykda fakultatiw okuwlar ýokary derejede geçirilýär. Türkmenistanyň diplomatiýasynyň möhüm ugurlary boýunça okuw merkezinde tassyklanan meýilnamalara laýyklykda «Türkmenistanyň Ulag-logistika Merkezi» AGPJ-niň agzalarynyň gatnaşmagynda fakultatiw okuw sapaklary üstünlikli alnyp barylýar hem-de olaryň netijeleri boýunça merkeziň diňleýjileri tarapyndan nutuklar, prezentasiýalar taýýarlanylýar.
2021-njy ýylyň 15-nji aprelinde “Ulag diplomatiýasy” ugry boýunça fakultatiw okuw sapagyny «Türkmen Logistika Assosiasiýasynyň» wekilleriniň gatnaşmagynda “Hazar deňzi – Gara deňzi” halkara ulag geçelgesini amala aşyrmak hakyndaky dörtaraplaýyn hökümetara Ylalaşygynyň ähmiýeti barada okuw sapagy geçirildi. Bu okuw sapagyna Türkmenistanyň Daşary işler ministrliginiň Halkara gatnaşyklary institutynyň talyplary işjeň gatnaşdylar. Talyplar üçin okuw sapagy örän täsirli boldy.
Çaryýewa Altyngözel,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby