«Uçurym – 2023» dabarasy
2023-nji ýylyň 16-njy iýunynda Türkmenistanyň Daşary işler ministrliginiň Halkara gatnaşyklary institutynda «Uçurym – 2023» dabarasy geçirildi. Mälim bolşy ýaly, 2008-nji ýylda döredilen bu ýokary okuw mekdebi häzirki wagtda Halkara gatnaşyklary we diplomatiýa, Halkara hukugy, Halkara ykdysady gatnaşyklary, Halkara žurnalistikasy ugurlary boýunça ýokary bilimli hünärmenleri, taýýarlygyň Halkara gatnaşyklary, Halkara hukugy, Halkara ykdysadyýeti, Syýasy kommunikasiýa we internet žurnalistikasy ugurlary boýunça bakalawrlary, şeýle-de taýýarlygyň Sanly diplomatiýa, Seljeriş we strategik meýilleşdiriş, Gündogary öwreniş, Halkara jemagat hukugy, Halkara hususy hukugy, Syýasy kommunikasiýa we internet žurnalistikasy ugurlary boýunça magistrleri taýýarlaýar. Institutda häzirki zaman tehnologiýalar işjeň ornaşdyrylýar, okatmagyň usulyýeti yzygider kämilleşdirilýär. Institut dünýä döwletleriniň ugurdaş bilim ojaklary bilen işjeň hyzmatdaşlygy alyp barýar.
Uly ruhubelentlige beslenip geçen dabarada ýokary okuw mekdebini tapawutlanan diplom bilen tamamlan we ylmy bäsleşikleriň ýeňijileri bolan uçurymlara ýörite hormat hatlary we gymmat bahaly ýadygärlik sowgatlary gowşuryldy. Uçurymlar üçin guralan baýramçylyk konserti dabara gatnaşyjylarda uly şatlyk duýgusyny döretdi.
Selbi NAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Dünýä dilleri kafedrasynyň mugallymy.
Şeýle hem bu barada şu ýerden
okap bilersiňiz: