Türkmenistanyň şekillendiriş sungatynda halypa-şägirtlik ýörelgesi
15-nji iýunda Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýinde «Türkmenistanyň şekillendiriş sungatynda halypa-şägirtlik ýörelgesi» ady bilen Türkmenistanyň halk suratkeşi, Magtymguly adyndaky halkara baýragynyň iki gezek eýesi, Türkmenistanyň Hormatly il ýaşulysy Saragt Babaýewiň hem-de onuň şägirtleriniň sergisi geçirildi. Oňa ýurdumyzyň tanymal döredijilik işgärleri, suratkeşleri, heýkeltaraşlary, talyp ýaşlary we sungat bilen içgin gyzyklanýan raýatlar, şol sanda Türkmenistanyň Daşary işler ministrliginiň Halkara gatnaşyklary institutynyň talyplary gatnaşdylar.
Sergide dürli temalarda döredilen 300-den gowrak eser görkezildi. Her biri aýratyn sungat eseri bolan suratlar, heýkeller, nakgaş önümleri sergä gatnaşýanlarda uly täsir galdyrdy.
Serginiň dowamynda Saragt Babaýew we onuň şägirtleri, egindeşleri çykyş edip, öz ýürek buýsançlaryny we hoşallyklaryny beýan etdiler, sungata aýratyn sarpa goýýan, onuň kämilleşmegi üçin ähli mümkinçilikleri döredip berýän hormatly Prezidentimize öz sagbolsunlaryny aýtdylar.
Mähriban HUDAÝGULYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II talyby.