TÜRKMENISTANYŇ ŞEKILLENDIRIŞ SUNGATY MUZEÝINDE DOSTLUKLY DÖWLETIŇ SERGISI GURNALDY
2024-nji ýylyň 31-nji iýuly 4-nji awgusty aralygynda Saud Arabystany Patyşalygynyň Patyşa Abdul-Aziz adyndaky Ylmy merkeziň Ýerine ýetiriji başlygy Turki Al-Şuwaýyryň ýolbaşçylygyndaky wekiliýetiň Türkmenistana saparynyň çäklerinde Türkmenistanyň Şekillendiriş sungaty muzeýinde seminar, ikitaraplaýyn hyzmatdaşlygy ara alyp maslahatlaşmak hem-de “Asyrlaryň dowamynda iki mukaddes metjitler, golýazmalaryň gözelli we olaryň has seýrek duş gelýänleri” atly sergisi guralýar. Bu sergä ýurdumyzyň degişli edaralarynyň wekilleri bilen birlikde Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdylar. Sergide “Hanbaly fikhi” diýlip atlandyrylýan arap sungatynyň ajaýyp eserleri bolan has seýrek duş gelýän golýazmalary, gadymy ýadygärlikleriň fotosuratlary, asyrlar boýy saklanyp galan iki mukaddes metjitleriň “Mekke Medinäniň” suratlaryny, arap halkynyň däp-dessurlarynyň gönezligi bolan eserlerini, Mukaddes Kuran kitabynyň nusgalaryny, synlamaga mümkinçilik döredilipdir.
Täsirli sergini synlamak bilen oňa gatnaşyjylar ajaýyp işleriň sakasynda duran türkmen halkynyň milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza dünýä döwletleri bilen medeni ynsanperwer ugurdaky medeniýet, syýahatçylyk hem-de sport ulgamlaryndaky netijeli hyzmatdaşlygy ösdürmekde il-ýurt bähbitli, bütinadamzat ähmiýetli işleri hemişe rowaçlyklara beslenmegini arzuw etdiler.
Leýli MURADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.