“TÜRKMENISTANYŇ HALK MASLAHATY WE TÜRKMEN JEMGYÝETINIŇ ÖSÜŞI” ATLY MASLAHAT GEÇIRILDI
2025-nji ýylyň 5-nji sentýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Halk maslahatynyň ähmiýetini wagyz etmek maksady bilen “Türkmenistanyň Halk Maslahaty we türkmen jemgyýetiniň ösüşi” atly maslahat geçirildi. Oňa institutyň mugallymlary we talyplary işjeň gatnaşdylar.
Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy Merjen Gurbannazarowa, Halkara ykdysady gatnaşyklary kafedrasynyň uly mugallymy Perhat Çaryýew, Dünýä dilleri kafedrasynyň mugallymy Enejan Orazmyradowanyň çykyş etmeginde geçirilen maslahat täsirliligi bilen tapawutlandy.
Maslahatyň dowamynda şu ýylyň 20-nji awgustynda Türkmenistanyň Halk maslahatynyň Prezidiumynyň mejlisinde kabul edilen Türkmenistanyň Halk Maslahatynyň mejlisini çagyrmak we ýokary derejede geçirmek boýunça guramaçylyk toparyny döretmek, mejlisiň geçiriljek senesini kesgitlemek, guramaçylyk toparynyň düzümini tassyklamak hakyndaky resminamalar hem-de Türkmenistanyň Halk Maslahatynyň geçirilmeginiň taryhy ähmiýeti barada giňişleýin gürrüň edildi.
Ogulsuraý GURBANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 3-nji ýyl talyby.