“TÜRKMENISTANYŇ HALK MASLAHATY WE KANUNÇYLYK HUKUK ULGAMLARY” ATLY MASLAHAT GEÇIRILDI
2025-nji ýylyň 10-njy sentýabrynda Türkmenistanyň Daşary işler ministrliginiň Halkara gatnaşyklary institutynda “Türkmenistanyň Halk Maslahaty we kanunçylyk hukuk ulgamlary” atly maslahat geçirildi. Oňa institutyň mugallymlary we talyplary işjeň gatnaşdylar.
Bu maslahatda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşdirme hukuk öwreniş kafedrasynyň uly mugallymy Dürli Ballyýewa we Halkara gatnaşyklary we diplomatiýa kafedrasynyň mugallymy Aýgözel Baýramowa çykyş etdiler. Maslahata gatnaşyjylaryň çykyşlarynda bellenilişi ýaly, Türkmenistanyň Halk Maslahaty ýurdumyzda halk häkimiýetiniň ýokary wekilçilikli edarasy bolup durýar we onda kabul edilen çözgütler, kararlar her bir adama täsir edip ruhubelentlik paýlaýar. Şeýle hem maslahatda çykyş edenler Türkmenistanyň Halk Maslahaty hakynda Konstitusion kanunyň ähmiýeti barada belläp geçdiler.
Maslahatyň ahyrynda oňa gatnaşyjylar döredip berýän giň şertleri üçin Gahryman Arkadagymyza, Arkadagly Gahryman Serdarymyza öz hoşallyklaryny bildirdiler.
Guwanç ALIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.