«Türkmenistanyň gurluşygy, senagaty, energetikasy – 2024» atly halkara sergisi we maslahaty
2024-nji ýylyň 3-5-nji noýabry aralygynda Aşgabatda «Türkmenistanyň gurluşygy, senagaty, energetikasy – 2024» atly halkara sergisi we maslahaty dowam edýär. Sergä öňdebaryjy hünärmenler, döwlet we hususy kompaniýalaryň wekilleri, maýa goýumçylar we giňişleýin seljerme hem-de öňdebaryjy tejribe alyşmak üçin hünärmenler gatnaşýar. Ýokary derejede geçirilýän bu halkara sergä we maslahata diňe bir Merkezi Aziýa sebitiniň kärhanalary gatnaşman, tutuş Aziýa yklymynyň we Ýewropanyň ösen ýurtlarynyň kompaniýalary özleriniň ýokary hilli önümleri bilen gatnaşýarlar. Bu halkara serginiň ikinji gününde ýurdumyzyň dürli pudaklarynda zähmet çekýän hünärmenler, jemgyýetçilik işgärleri, şeýle-de ýurdumyzyň ýokary okuw mekdepleriniň talyp ýaşlary bilen birlikde Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdylar.
Serginiň çäklerinde Turkmenistanyň we daşary ýurtlaryň kompaniýalary oňa gatnaşyjylary özleriniň öňdebaryjy tehnologiýalary, senagat, nebit we energetika pudagyna degişli bolan ýokary hilli önümleri bilen tanyşdyrdylar.
Halkara sergi tejribe alyşmak we gatnaşyklara ýol açmak üçin oňaýly şertleri döredýär. Bu bolsa Türkmenistanyň halkara derejede ornuny berkidýär we uzak möhletli hyzmatdaşlyk üçin täze mümkinçilikleri açýar.
Laçyn MÄTJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy
fakultetiniň II ýyl talyby.