TÜRKMEN DIPLOMATIÝASYNYŇ ÝOKARY MEKDEBINIŇ TALYPLARYNYŇ NOBATDAKY ÜSTÜNLIGI
2024-nji ýylyň 6-njy noýabrynda Türkmen döwlet maliýe institutynda ýurdumyzyň ýokary okuw mekdepleriniň talyplarynyň arasynda «ÝUNESKO we türkmen halkynyň milli medeni mirasy» atly onlaýn bilim bäsleşigi geçirildi. Bäsleşige ýurdumyzyň dürli ýokary okuw mekdeplerinden talyplaryň 90-dan gowragy gatnaşdy. Eminleriň gelen netijelerine görä, özüniň ýokary görkezijileri boýunça tapawutlanan talyplar I, II we III orunlary eýelediler. Türkmenistanyň Daşary işler ministrliginiň Halkara gatnaşyklary institutynyň talyplary hem bäsleşikde üstünlikli çykyş edip, institutyň Halkara gatnaşyklary fakultetiniň III ýyl talyby Hojamyrat Baýlyýew we Halkara žurnalistikasy fakultetiniň III ýyl talyby Kakageldi Akmyradow I orna, Halkara gatnaşyklary fakultetiniň II ýyl talyby Şyhdurdy Şyhyýew II orna, şol fakultetiň III ýyl talyby Şasenem Meýlisowa III orna we Halkara hukugy fakultetiniň I ýyl talyby Maksat Alymbaýew III orna mynasyp boldular.
Aýlar NEDIROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.