"Telekeçilik işini guramagyň esaslary" atly göni wideoaragatnaşyk arkaly geçirilen ylmy-okuw maslahaty.
2025-nji ýylyň 15-nji aprelinde Türkmen oba hojalyk institutynyň Oba hojalygynyň guralyşy we dolandyrylyşy kafedrasynyň mugallymy Musa Hanowyň guramagynda "Telekeçilik işini guramagyň esaslary" atly göni wideoaragatnaşyk arkaly ylmy-okuw maslahaty geçirildi.
Maslahata ýurdumyzyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň talyp ýaşlary we mugallymlary gatnaşdylar.Okuw-maslahatyň dowamynda talyplar telekeçilik işi bilen bagly özlerini gyzyklandyrýan sowallar boýunça pikir alyşdylar.
Bu ylmy-okuw maslahaty ýurdumyzyň talyp ýaşlarynyň telekeçilik babatyndaky bilimlerini kämilleşdirmek ugrunda ýokary netijeli häsiýete eýe boldy.
Ogulşeker AKJAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň IV ýyl talyby.