Tegelek stol maslahaty
2021-nji ýylyň 16-njy aprelinde Türkmenistanyň Daşary işler ministrliginiň Halkara gatnaşyklary institutynda paýtagtymyzda 2021-nji ýylyň 12-nji aprelinde açylan Türkmenistanyň “Türkmenbaşy” döwlet täjirçilik bankynyň edara binasynyň we “Senagat” paýdarlar täjirçilik bankynyň edara binasynyň, 14-nji aprelde Türkmenistanyň Halk Maslahatynyň Diwanynyň hem-de Türkmenistanyň Maslahatlar merkeziniň, 15-nji aprelde Türkmenistanyň Kabul ediş merkeziniň binalary, şeýle-de, hormatly Prezidentimiziň gatnaşmagynda geçirilen “Garaşsyz, baky Bitarap Türkmenistan parahatçylygyň we ynanyşmagyň hatyrasyna halkara hyzmatdaşlygy” atly halkara maslahata bagyşlanylyp tegelek stol maslahaty geçirildi. Oňa institutymyzyň professor-mugallymlary we talyplary şeýle hem Türkmenistanyň Döwlet hukuk we demokratiýa institutynyň wekilleri gatnaşdylar.
Maslahatyň dowamynda “Türkmenistan parahatçylygyň we ynanyşmagyň Watany” diýlip atlandyrylan 2021-nji ýylda ak mermerli paýtagymyz Aşgabadyň 140 ýyllyk, Garaşsyzlygymyzyň şanly 30 ýyllyk dabaralarynyň bellenilýän günleriniň öňüsyrasynda ýurdumyzda şeýle ajaýyp binalaryň açylmagy hormatly Prezidentimiziň baştutanlygynda alnyp barylýan maksatnamalaryň ýokary derejede amala aşyrylýandygynyň aýdyň subutnamasy bolup durýandygy buýsançly bellenildi.
Tawus AKJAÝEWA,
Türkmenistanyň Daşary işler ministrliginiň Halkara
gatnaşyklary institutynyň Halkara žurnalistikasy
fakultetiniň 2-nji ýyl talyby