TEBIGATY GORAMAK MUKADDES BORÇDUR
2024-nji ýylyň 7-nji iýunynda Türkmenistanyň Daşary işler ministrliginiň Halkara gatnaşyklary institutynda Türkmenistanyň tebigaty goramak jemgyýetiniň guramagynda «Tebigaty goramak mukaddes borçdur» ady bilen duşuşyk geçirildi.
Täsirli geçen duşuşykda institutyň höwesjeň mugallymlary we talyplary gatnaşdylar. Duşuşykda Türkmenistanyň ekologik abadançylygy babatyndaky başlangyçlaryny ilerletmek, bu ugurda daşary ýurtly hyzmatdaşlar bilen netijeli gatnaşyklary ösdürmek boýunça çäreleriň amala aşyrylmagynyň zerurlygy hakynda gürrüňler edildi.
Geçirilen duşuşykda talyplaryň tebigaty goramak düşünjesiniň artmagyna, halkara derejesinde bolup geçýän ekologik hadysalara seljerme bermek başarnygynyň kämilleşmegine degişli özlerini gyzyklandyrýan soraglara jogap tapmaklaryna ýardam berdi.
Duşuşygyň ahyrynda oňa gatnaşyjylar ekologiýa abadançylygyny ösdürmekde ähli mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimize köp sagbolsun aýtdylar.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.