Täze tejribe – kämillige ýol
Gahryman Arkadagymyzyň, Arkadagly Gahryman Serdarymyzyň parasatly ýolbaşçylygynda bedew bady bilen öňe barýan ata Watanymyz ýaşlaryň ylymly bilimli bolup ösüp ýetişmekligi üçin zerur şertleri döredýär. Ýurdumyzda ýetilýän belent sepgitler, gazanylýan ösüşler halkymyzyň abadan durmuşda ýaşamagyna, ýaş nesilleriň hemmetaraplaýyn kämil ösmegine, saýlap alan hünärleriniň mynasyp eýeleri bolup ýetişmeklerine gönükdirilendir.
Geljekki türkmen diplomatlaryny, halkaraçy hünärmenleri kemala getirýän Türkmenistanyň Daşary işler ministrliginiň Halkara gatnaşyklary institutynyň uçurym ýyl talyplarynyň güýzki önümçilik tejribeligini ýurdumyzyň daşary ýurtlardaky ilçihanalarynda we konsullyk edaralarynda geçmegi hem ýurdumyzda alnyp barylýan ýaşlar syýasatynyň durmuşa geçirilişiniň aýdyň subutnamalaryndan biridir.
Biz Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň 5-nji ýyl talyby Mergen Baýrammyradow we Halkara ykdysady gatnaşyklary fakultetiň 5-nji ýyl talyby Berdinyýaz Goňurow, 2024-nji ýylyň 1-nji sentýabryndan başlap Türkmenistanyň Eýran Yslam Respublikasyndaky Ilçihanasynda özümiziň önümçilik tejribeliklerimizi geçmäge başladyk.
Tejribeligimiziň dowamynda, Ykdysady Hyzmatdaşlyk Guramasynyň (YHG) ýygnagy geçirildi, bize hem bu çärä Ilçihananyň wekilleri bilen bilelikde gatnaşmaga mümkinçilik döredildi.
Mälim bolşy ýaly, 2024-nji ýylyň 10-njy sentýabrynda EYR-nyň Tähran şäherinde YHG-nyň Baş edara binasynda Guramanyň nobatdaky 289-njy Hemişelik wekilleriň ýygnagy (CPR), 2024-2025-nji ýyllar üçin (YHG-nyň ulag aragatnaşygy, ykdysady-söwda, maliýe, medeni-gumanitar we ş.m.) meýilnama laýyklykda gün tertibinde serediljek meseleleri agza ýurtlaryň wekilleri bilen bilekde ara alyp maslahataşmakdan ybarat boldy.
Şunuň bilen baglylykda, Ilçihanada tejribe geçýän döwrümizde döredilýän şertler üçin, biz talyp ýaşlaryň alýan bilimlerimizi iş ýüzünde amala aşyrmak bilen uly tejribe we mümkinçilikleriň gazanylýandygy bizi diýseň buýsandyrýar.
Pursatdan peýdalanyp, biz talyp ýaşlaryň kämil bilimli, öz saýlap alan hünärleriniň ussat eýeleri bolmaklary, watansöýüji, ilhalar adamlar bolup ýetişmekleri üçin giň mümkinçilikleri döredip berýän Gahryman Arkadagymyza, Arkadagly Gahryman Serdarymyza köp sag bolsun aýdarys.
Mergen BAÝRAMMYRADOW,
Berdinyýaz GOŇUROW,
Türkmenistanyň Daşary işler ministrliginiň
Halkara gatnaşyklary Institutynyň V ýyl talyplary.
(Türkmenistanyň Eýran Yslam Respublikasyndaky ilçihanasy, Tähran ş.)