TÄSIRLI ONLAÝN OKUW SAPAGY
2022-nji ýylyň 14-nji fewralynda Türkmenistanyň Daşary işler ministrliginiň Halkara gatnaşyklary institutynda Horwatiýanyň Daşary we Ýewropa işler ministrliginiň Diplomatik akademiýasynyň direktory Lada Muražyň “Ýewropa Bileleşigi milletiň özboluşly jemgyýeti hökmünde: häzirki zaman ösüşi we geljegi” atly tema boýunça onlaýn okuw sapagy geçirildi. Wideoaragatnaşyk arkaly geçirilen okuw sapagyna institutyň talyplary gatnaşdylar. Guramaçylykly guralan onlaýn okuw sapagyny institutyň okuw işleri boýunça prorektory G. Ýusupowa alyp bardy.
Wideoaragatnaşyk arkaly guralan okuw sapagynyň esasy maksady geljekki halkaraçy hünärmenlere Ýewropa Bileleşigi we onuň halkara gatnaşyklaryndaky orny barada düşünje bermekden, olara häzirki zaman jemgyýeti gurmak we ösdürmek bilen bagly alnyp barylýan işleri tanyşdyrmakdan, bu ugurda talyplar bilen pikir alyşmakdan hem-de jemgyýetçilik gatnaşyklaryny ösdürmekden ybarat boldy.
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.