Täsirli gezelenç
2021-nji ýylyň 1-nji noýabrynda Türkmenistanyň Daşary işler ministrliginiň Halkara gatnaşyklary institutynyň, Ýagşygeldi Kakaýew adyndaky Halkara nebit we gaz uniwersitetiniň ilkinji Zenanlar guramalarynyň işjeň agzalarynyň bilelikde gatnaşmaklarynda Türkmen halysynyň Milli muzeýine gezelenç guraldy. Gezelenjiň dowamynda talyp gyzlara haly nagyşlarynyň taryhy, adam saglygy üçin halylaryň peýdasy, haly dokamak sungatynyň biziň günlerimize gelip ýetmeginde zenanlaryň orny, türkmen gyzlarynda sabyr-takatly bolmak ýaly häsiýetleriň kemala gelmeginde zähmet terbiýesinyň oňyn taraplary hem-de jemgyýetde zenanlaryň orny, gender deňliginiň durmuşa geçirilişi barada maglumatlar berildi. Şeýle hem, gezelenjiň dowamynda dünýäniň ähli ýerinde türkmen halysy hökmünde tanalýan bu sungaty türkmen zenanynyň döredendigi, onda türkmen gyzlaryna mahsus bolan gyz ýygralygy, zenan edebi, ene mähriniň ýylysy ýaly häsiýetleriň jemlenendigi barada täsirli gürrüňler edildi. Gezelenjiň ahyrynda oňa gatnaşanlar türkmen zenanynyň el işlerine sarpa goýýan Hormatly Prezidentimiziň adyna alkyş sözleri aýdyldy.
Dürdäne NAZARGYLYJOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
I ýyl talyby