TÄSIRLI GEÇEN OKUW SAPAGY
2025-nji ýylyň 12-nji maýynda Türkmenistanyň Daşary işler ministrliginiň Halkara gatnaşyklary institutynda Amerikanyň Birleşen Ştatlarynyň Tehas uniwersitetiniň wekilleriniň gatnaşmagynda okuw sapagy geçirildi. Oňa institutymyzyň professor-mugallymlary we talyp ýaşlary gatnaşdylar.
Okuw sapagyny Amerikanyň Birleşen Ştatlarynyň Tehas uniwersitetiniň mugallymy, matematika ylymlarynyň professory, filosofiýa ylymlarynyň doktory Murat Çoşanow alyp bardy. Ol häzirki wagtda sanly bilim ulgamyndaky mümkinçilikler, emeli aňyň adamzat durmuşyndaky orny barada talyp ýaşlara gürrüň berdi. Sapagyň dowamynda ABŞ-nyň Tehas uniwersitetiniň talyplary 2025-nji ýylyň 12-14-nji maýy aralygynda institutymyzda geçiriljek «Halkara gatnaşyklary: parahatçylyk dialogynyň medeniýeti» atly II halkara bäsleşigine gatnaşyjylar Aldo Jafet Perez Flores we Herrera Lozano Jennifer Stefania dagylar ABŞ-nyň ýokary okuw mekdeplerinde talyp ýaşlaryň bilim almagy üçin döredilip berlen mümkinçilikler barada gyzykly gürrüňleri berdiler.
Gyzykly geçen okuw sapagy talyp ýaşlarda ýakymly täsirleri galdyrdy. Olar özlerini gyzyklandyran soraglara jogap aldylar.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.