TÄSIRLI GEÇEN BÄSLEŞIK
2023-nji ýylyň 16-njy maýynda Magtymguly adyndaky Türkmen döwlet uniwersitetinde “Arkadag Serdarly bagtyýar ýaşlar” ýyly hem-de Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli ýurdumyzyň ýokary okuw mekdepleriniň hukuk işi ugruna degişli hünärlerinde okaýan talyplaryň arasynda “Ýaş hukukçylar” atly bäsleşik geçirildi.
Talyplar bäsleşigiň şertlerine laýyklykda birnäçe tapgyrlar boýunça soraglara jogap berdiler. Emin agzalary tarapyndan ýeňijiler kesgitlenildi.
Bäsleşikde Magtymguly adyndaky Türkmen döwlet uniwersitetiniň Hukuk fakultetiniň talyplar topary birinji, Türkmenistanyň Daşary işler ministrliginiň Halkara gatnaşyklary institutynyň Halkara hukugy fakultetiniň talyplar topary ikinji we Türkmenistanyň Içeri işler ministrliginiň institutynyň talyplary üçünji orna mynasyp boldular.
Bäsleşikde ýeňiji bolan toparlar degişli diplomlar, Hormat hatlary bilen sylaglandylar hem-de olara gymmat bahaly sowgatlar gowşuryldy.
Dürli BALLYÝEWA,
Türkmensitanyň Daşary işler ministrliginiň
Halkara gatnaşyklary institutynyň
Halkara hukugy
we deňeşdirme hukuk öwreniş kafedrasynyň
müdiriniň w.w.ý.ý., uly mugallym.