Täsirli duşuşyk
2021-nji ýylyň 26-njy ýanwarynda Türkmenistanyň Daşary işler ministrliginiň Halkara gatnaşyklary institutynyň uly mejlisler zalynda talyplaryň gyşky dynç alyş möwsümini guramaçylykly we täsirli geçirmek maksady bilen paýtagtymyzda ýerleşýän Türkmenistanyň Beýik Saparmyrat Türkmenbaşy adyndaky Baş drama teatrynyň döredijilik işgärleriniň gatnaşmaklarynda döredijilik duşuşygy geçirildi. Duşuşyga institutyň mugallymlary we talyplary gatnaşdylar. Duşuşygyň dowamynda teatryň artistleri ýurdumyzyň medeniýet we sungat ulgamynda ýeten sepgitleri barada täsirli gürrüň berdiler. “Ene” hakyndaky monologyň we şahyr Atamyrat Atabaýewiň “Ogluma” atly goşgusynyň ussatlyk bilen ýerine ýetirilmegi bolsa, duşuşyga gatnaşyjylarda uly täsirleri galdyrdy. Duşuşygyň ahyrynda, oňa gatnaşanlar şular ýaly döredilýän mümkinçilikler üçin hormatly Prezidentimiziň adyna alkyş sözlerini aýtdylar.
Laçyn Berdimyradowa
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV talyby