26/02/2024
965
TARYHY ÇYKYŞYŇ BEÝANYNA BAGYŞLANAN MASLAHAT GEÇIRILDI
2024-nji ýylyň 24-nji fewralynda Türkmenistanyň Daşary işler ministrliginiň Halkara gatnaşyklary institutynda «Türkmenistany 2024-nji ýylda durmuş-ykdysady taýdan ösdürmegiň we maýa goýum Maksatnamasyny» üstünlikli durmuşa geçirmek boýunça ýurdumyzda alnyp barylýan işleri giňden wagyz etmek maksady bilen maslahat geçirildi. Institutymyzyň Halkara ykdysady gatnaşyklary fakultetiniň uly mugallymy Perhat Çaryýewiň alyp barmagynda geçirilen maslahatda institutyň mugallymlary Begli Gurbandurdyýew, Nazar Meredow, Dilber Hekimowa dagylar çykyş etdiler.
Maslahatda çykyş edenler «Pähim-paýhas ummany Magtymguly Pyragy» ýylynda berkarar Watanymyzyň şöhratly geçmişiniň, şu günki işleriniň, ertirki maksatlarynyň manysyny özünde jemleýän Türkmenistanyň Mejlisi, ministrlikler we pudaklaýyn dolandyryş edaralary hem-de jemgyýetçilik birleşikleri bilen bilelikde ýerine ýetirilmeli işleriň esasy ugurlary barada giňişleýin gürrüň berdiler. Şol sanda çykyşlarda türkmen medeniýetini, sungatyny, edebiýatyny ösdürmek, türkmen halkynyň gadymy medeni mirasyny, şan-şöhratly taryhyny ylmy taýdan düýpli öwrenmek, gorap saklamak we dünýä ýaýmak boýunça maksatnamalaýyn işleri dowam etdirmek we milli ykdysadyýetimiziň ähli pudaklaryny ösdürmek bilen bagly alnyp barylýan işleriň ajaýyp beýany giňden wagyz edildi.
Maslahatyň ahyrynda oňa gatnaşanlar çykyşlaryny Türkmen halkynyň Milli Lideri Gahryman Arkadagymyzyň «Goý, Garaşsyz, hemişelik Bitarap Türkmenistan döwletimiz agzybirlik, asudalyk, abadançylyk ýoly bilen mundan beýläk-de gülläp össün! Goý, Ýer ýüzüniň ähli ýurtlary bilen dostluga we hyzmatdaşlyga açyk eziz Watanymyzyň dünýädäki şan-şöhraty has-da belende galsyn!» diýen parasatly sözleri bilen jemläp, Gahryman Arkadagymyza, Arkadagly Gahryman Serdarymyza çäksiz alkyş sözlerini aýtdylar.
Ogulşat GARRYÝEWA,
Türkmenistanyň Daşary işler ministrliginiň
Halkara gatnaşyklary instituynyň
Halkara hukugy fakultetiniň II ýyl talyby.