08/12/2023
865
TARYH – GELJEGE ŞAMÇYRAG
2023-nji ýylyň 8-nji dekabrynda Türkmenistanyň Daşary işler ministrliginiň Halkara gatnaşyklary institutynda Türkmеnistanyň hemişelik Bitaraplygynyň 28 ýyllygy mynasybetli jemgyýeti öwreniş ylymlary kafedrasynda hereket edýän “Paýhas we parasat” ylmy gurnagynyň guramagynda institutymyzyň I ýyl talyplarynyň arasynda “Taryh – geljege şamçyrag” atly ylmy-seminar we bäsleşik geçirildi. Bäsleşigiň başynda jemgyýeti öwreniş ylymlary kafedrasynyň uly mugallymy Aýna Baýmuradowa türkmen Bitaraplygynyň aýratynlyklary barada gürrüň berdi we talyplary bäsleşigiň şertleri bilen tanyş etdi. Bäsleşigiň şertlerine laýyklykda, ilki bilen gatnaşyjylar öz toparlaryny tanyşdyrdylar, özleriniň saýlap alan dünýä taryhyna degişli temalary boýunça çykyş etdiler, taýýarlanan soraglara jogap berdiler, dünýä döwletleriniň ýerleşişini, baýdaklaryny we paýtagtlaryny bilmek boýunça öz aralarynda bäsleşdiler. Çekeleşikli geçen bäsleşikde “Agzybirlik we ösüş” ady bilen çykyş eden institutymyzyň halkara gatnaşyklary fakultetiniň talyplary garşydaşlaryndan üstün çykmagy başardylar we I orna mynasyp boldular. Bäsleşikde II orna halkara žurnalistikasy fakultetiniň “Ýedigen” topary, III orna halkara ykdysady gatnaşyklary fakultetiniň “ Galkynyş” topary mynasyp boldy. Ýeňijilere “Paýhas we parasat” atly ylmy gurnagy tarapyndan taýýarlanan sowgatlar gowşuryldy.
Sahydöwlet HÜMMETJUMAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby