TALYPLARYŇ HALKARA MATEMATIKA OLIMPIADASYNDAKY ÜSTÜNLIKLERI
2021-nji ýylyň 21-nji dekabrynda Ysraýyl döwletiniň Ariel uniwersitetiniň gurnamagynda XV Açyk halkara internet matematika olimpiadasy geçirildi. Oňa ABŞ, Russiýa, Beýik Britaniýa, Belarussiýa, Çehiýa, Rumyniýa, Hindistan, Ysraýyl, Türkmenistan ýaly döwletlerden 400 talypdan ybarat bolan 100 topar gatnaşdylar.
Ýokary derejede geçirilen halkara olimpiadasyna ýurdumyzyň dürli ýokary okuw mekdepleriniň talyplary bilen bir hatarda Türkmenistanyň Daşary işler ministrliginiň Halkara gatnaşyklary institutynyň talyplary hem işjeň gatnaşdylar.
Olimpiadanyň netijeleri boýunça Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň 4-nji ýyl talyby Akmyrat Tirkeşow, 3-nji ýyl talyby Jahangir Polatbaýew, 2-nji ýyl talyby Arazgül Ballyýewa, 1-nji ýyl talyby Ýupar Egirjäýewa dagylar II orny eýeläp, kümüş medala mynasyp boldular.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň
I ýyl talyby.
Şeýle hem habar barada goşmaça aşakdaky saýtlarda okap bilersiňiz.
https://ashgabat.in/2022/01/05/yurdumyzyn-talyplary-halkara-olimpiadasynda-ustunlik-gazandylar/