Talyplaryň Astrahan uniwersiteti bilen göni aragatnaşyk arkaly duşuşygy
2022-nji ýylyň 26-njy aprelinde Türkmenistanyň Daşary işler ministrliginiň Halkara gatnaşyklary institutynda Russiýa Federasiýasynyň Astrahan döwlet uniwersitetiniň hyzmatdaşlygynda Hazarýaka ýurtlarynyň halkara ýaşlar guramalarynyň daşary ýurtly talyplar birleşiginiň Astrahan bölüminiň gatnaşmagynda göni wideo aragatnaşyklar arkaly teleköpri duşuşygy geçirildi. Onlaýn arkaly geçen bu duşuşyga Türkmenistanyň Magtymguly adyndaky ýaşlar guramasynyň, Halkara ynsanperwer ylymlary we ösüş uniwersitetiniň hem-de institutyň talyplary we mugallymlary gatnaşdylar. Duşuşygyň dowamynda talyplar özleriniň bilim, medeniýet we jemgyýetçilik ulgamlary bilen baglanyşykly çykyşlaryny edip, bu ulgam boýunça özlerini gyzyklandyrýan soraglaryna jogaplary tapdylar.
Dialog görnüşinde geçen bu duşuşyga gatnaşanlar ikitaraplaýyn hyzmatdaşlyklarda we bilim ulgamynda gazanylýan üstünlikler barada nygtap, talyplaryň daşary ýurtly ýaşlar bilen pikir alyşyp tejribelerini artdyrmagy üçin döredilip berilýän giň mümkinçilikler üçin türkmen tarapyna köp sag bolsunlaryny aýtdylar.
Kyýat ILAMANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.