TALYPLARYMYZ-BUÝSANJYMYZ
2025-nji ýylyň 29-njy aprelinde Türkmenistanyň Daşary işler ministrliginiň Halkara gatnaşyklary institutynda şu ýylyň 16-njy aprelinde Amerikanyň Birleşen Ştatlarynyň Nýu-Ýork şäherinde ýerleşýän Birleşen Milletler Guramasynyň ştab-kwartirasynda geçirilen Merkezi Aziýa döwletleriniň ýaşlar dialogynyň ikinji duşuşygyna gatnaşan Halkara ykdysady gatnaşyklary fakultetiniň talyby Resul Gylyjowyň hem-de 21-25-nji aprel aralygynda Russiýa Federasiýasynyň Moskwa şäherinde Halkara Gyzyl Haç Komitetiniň guramagynda her ýyl geçirilýän F.F.Martens adyndaky Halkara ynsanperwer hukugy boýunça bäsleşigine gatnaşan Halkara hukugy fakultetiniň talyplary Intizar Tagannyýazowanyň, Begmuhammet Ataýewiň hem-de Ýusup Karataýewiň şol ýerdäki çykyşlary barada institutymyzyň talyplarynyň öňünde prezentasiýa bilen çykyş etdiler.
Çykyşlaryň dowamynda parahatçylyk medeniýetini ösdürmek şeýle hem halkara hukugy bilimlerini çuňlaşdyrmak we halkara ynsanperwer hukugynyň iş ýüzünde durmuşa geçirilişi barada gürrüň edildi.
Şeýle bäsleşiklere gatnaşmak talyplarymyzyň bilimlerini çuňlaşdyrmaga, ýurdumyzyň halkara hyzmatdaşlygynyň has-da artmagyna ýardam eder.
Aýperi BAÝRAMDURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň III ýyl talyby.