TALYP DEŇ-DUŞLARYMYZYŇ ÜSTÜNLIGI
Berkarar döwletiň täze eýýamynyň Galkynyşy döwründe ýaşlar syýasatyny üstünlikli durmuşa geçirmek, bilim ulgamyny sanlylaşdyrmagyň depginini artdyrmak maksady bilen, ýurdumyzda sanly ulgam arkaly bäsleşikler yzygiderli geçirilýär. Bu babatda Türkmenistanyň Daşary işler ministrliginiň Halkara gatnaşyklary institutynyň talyp ýaşlarynyň gazanýan üstünlikleri hem aýratyn bellenilmäge mynasypdyr.
Ýakynda 2023-nji ýylyň 20-nji dekabrynda Türkmen döwlet ykdysadyýet we dolandyryş institutynyň gurnamagynda ýurdumyzyň ýokary okuw mekdeplerinde bilim alýan talyp ýaşlaryň arasynda geçirilen «Durnukly ösüşiň ykdysadyýeti» dersi boýunça geçirilen onlaýn bäsleşikde Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň mugallymy Ýusup Ulugberdiýewiň ýolbaşçylygyndaky Halkara ykdysady gatnaşyklary fakultetiniň 3-nji ýyl talyplary Aýjahan Gulhanowa, Ýupar Egirjäýewa, Resul Gylyjow dagylar III derejeli diploma mynasyp boldular.
Biz hem talyp deň-duşlarymyzy nobatdaky gazanan üstünlikleri bilen tüýs ýüregimizden gutlaýarys. Geljekde hem üstünlikleriňiziň höwri köp bolsun ýaş ykdysatçylar!
Batir SADULLAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby.