Talyp deň-duşlarymyzyň üstünligi
2024-nji ýylyň 3-8-nji marty aralygynda Halkara ynsanperwer ylymlary we ösüş uniwersitetinde Açyk halkara matematika “Open Mathematical Olympiad for University Students (OMOUS)” olimpiadasy geçirildi. Halkara derejesinde geçen olimpiada dünýäniň dürli ýurtlarynyň ýokary okuw mekdeplerinden zehinli talyplaryň ençemesi gatnaşdylar.
Bu halkara olimpiada Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy, fizika-matematika ylymlarynyň kandidaty Gaplaň Esenamanowyň taýýarlan talyplar topary hem işjeň gatnaşyp, baýrakly orunlara mynasyp boldular. Institutymyzyň Halkara ykdysady gatnaşyklary fakultetiniň talyplary Muhammetnur Garabaýew I orna (altyn medala), Goçmyrat Penjiýew II orna (kümüş medala), Arazgül Ballyýewa, Jahangir Polatbaýew, Orazmyrat Sähetmyradow, Bägül Hudaýberdiýewa hem-de Halkara gatnaşyklary fakultetiniň talyby Aýlar Nedirowa dagy III orna (bürünç medallara) mynasyp boldular.
Geljekde talyplarymyza mundan beýläk hem uly üstünlikleriň ýar bolmagyny tüýs ýüregimizden arzuw edýäris.
Güljeren ATAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.