Talybymyzyň halkara derejesinde sport üstünligi
2023-nji ýylyň 19-20-nji iýuny aralygynda Gyrgyz Respublikasynyň paýtagty Bişkek şäherinde karate WKF boýunça Merkezi Aziýa döwletleriniň arasynda çempionat geçirildi. Oňa Gyrgyzystanyň, Özbegistanyň we Gazagystanyň ýygyndy toparlary bilen bir hatarda Türkmenistanyň milli ýygyndy topary hem gatnaşdy.
Bu ýaryşa Türkmenistanyň milli ýygyndysynyň adyndan Türkmenistanyň Daşary işler ministrliginiň Halkara gatnaşyklary institutynyň Halkara gatnaşyklary fakultetiniň 2-nji ýyl talyby Dawut Nazmyradow 84 kg agram derejesinde çykyş edip, bürünç medala mynasyp boldy.
Talyp türgeniň bu üstünligi ýurdumyzda sporty we bedenterbiýäni ösdürmek üçin Arkadagly Serdarymyz tarapyndan edilýän tagallalaryň nobatdaky miwesidir. Geljekde ýene-de türkmenistanly türgenleriň dünýäniň sport arenasynda ýaşyl Tugumyzy belentde parlatmaklaryny arzuw edýäris.
Maral KARLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.