Sylaglanyş dabarasy geçirildi
2025-nji ýylyň 16-njy dekabrynda paýtagtymyzdaky Erkin döredijilik mekanynyň maslahatlar zalynda Türkmen döwlet neşirýat gullugynyň we “Neýtralnyý Turkmenistan” gazetiniň bilelikde guramagynda “Neýtralnyý Turkmenistan” gazetiniň 30 ýyllygyna bagyşlanyp “Bitaraplyk syýasaty –parahatçylygy, howpsuzlygy berkitmegiň we Durnukly ösüş maksatlaryna ýetmegiň binýady” atly döredijilik bäsleşiginiň ýeňijilerini sylaglamak dabarasy geçirildi. Hemişelik Bitaraplygymyzyň şanly 30 ýyllygy mynasybetli döredijilik bilen meşgullanýan zehinlileriň eserlerini halk köpçüligine ýetirmek maksady bilen geçirilen bu bäsleşige ýurdumyzyň ýazyjy-şahyrlary, döredijilik işgärleri gatnaşdylar. Bäsleşigiň netijeleri boýunça ýeňiji bolanlara guramaçylar tarapyndan gymmat bahaly sowgatlar we Hormat hatlary gowşuryldy.
Dabaranyň ahyrynda oňa gatnaşyjylar türkmen halkynyň bagtyýar durmuşda ýaşamagy we döredijilikli zähmet çekmekleri üçin beýik işleri durmuşa geçirýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş sözlerini aýtdylar.
Ogulnar GARRYGULOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.