TÜRKMEN DIPLOMATLARYNYŇ HÜNÄR BAÝRAMY MYNASYBETLI DABARA GEÇIRILDI
2025-nji ýylyň 17-nji fewralynda türkmen diplomatiýasynyň milli
mekdebinde Türkmenistanyň diplomatik işgärleriniň güni mynasybetli
Türkmenistanyň Magtymguly adyndaky Ýaşlar guramasynyň Merkezi Geňeşiniň,
Türkmenistanyň Demokratik partiýasynyň Aşgabat şäher komitetiniň,
Türkmenistanyň Daşary işler ministrliginiň Halkara gatnaşyklary instituty bilen
bilelikde guramaklarynda baýramçylyk dabarasy geçirildi.
Baýramçylyk dabarasynda ÝUNESKO-nyň işleri boýunça Türkmenistanyň
milli toparynyň jogapkär sekretary, Türkmenistanyň Adatdan daşary we Doly
ygtyýarly ilçisi Türkmenistanyň Gahrymany Çynar Rüstemowa, Türkmenistanyň
Daşary işler ministrliginiň Halkara gatnaşyklary institutynyň Halkara gatnaşyklary
we diplomatiýa kafedrasynyň mugallymy, Türkmenistanyň Adatdan daşary we
Doly ygtyýarly ilçisi Kakajan Mommadow çykyş etdiler. Çykyş eden halypa
diplomatlar ýurdumyzyň başlangyjy esasynda Birleşen Milletler Guramasynyň Baş
Assambleýasy tarapyndan «2025-nji ýyl — Halkara parahatçylyk we ynanyşmak
ýyly» diýip yglan edilmegi, şanly wakalara beslenýän 2025-nji ýylyň
Türkmenistanyň hemişelik Bitaraplygynyň 30 ýyllygyna we Birleşen Milletler
Guramasynyň döredilmeginiň 80 ýyllygyna gabat gelmeginiň many-mazmunyny
hem-de ähmiýetini belläp geçdiler. Şeýle hem Türkmenistanyň diplomatik
işgärleriniň güni mynasybetli Türkmenistanyň Magtymguly adyndaky Ýaşlar
guramasynyň Merkezi Geňeşiniň, Türkmenistanyň Demokratik partiýasynyň
Aşgabat şäher komitetiniň adyndan sowgatlary gowşurmak dabarasy geçirildi.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň
uly mugallymy.