SUW DIPLOMATIÝASY BOÝUNÇA OKUW SAPAGY GEÇIRILDI
2025-nji ýylyň 28-nji martynda Türkmenistanyň Daşary işler
ministrliginiň Halkara gatnaşyklary institutynda Türkmenistanyň
diplomatiýasynyň möhüm ugurlary boýunça okuw merkeziniň Suw diplomatiýasy
ugrunda Türkmen halkynyň Milli Lideri, Türkmenistanyň Halk Maslahatynyň
Başlygy Gurbanguly Berdimuhamedowyň «Euronews» teleýaýlymyna beren
interwýusynda Türkmenistanyň içeri we daşary syýasatynyň esasy ugurlaryny,
dünýä gün tertibiniň üns merkezinde durýan suw, energetika, ählumumy we sebit
derejeli hyzmatdaşlyk gatnaşyklary barada beýan eden türkmen döwletiniň
garaýyşlary barada okuw sapagy geçirildi. Okuw sapagyny Türkmenistanyň
Daşary işler ministrliginiň Halkara guramalary departamentiniň geňeşçisi,
Türkmenistanyň Adatdan daşary we Doly ygtyýarly ilçisi Magtymguly
Akmyradow alyp bardy.
Okuw sapagynyň dowamynda Ilçi Gahryman Arkadagymyzyň «Euronews»
telekompaniýasynyň habarçysy bilen söhbetdeşliginde sebitiň serhetüsti
derýalarynyň suw serişdelerini peýdalanmagyň usullaryny ýola goýmak maksady
bilen, Türkmenistan Merkezi Aziýa ýurtlarynda suwdan peýdalanmak meseleleri
boýunça sebit Geňeşini döretmegi baradaky teklipleri hakynda giňişleýin gürrüň
edildi.
Talyplar üçin suw diplomatiýasy ugrundaky bu okuw sapagy örän täsirli
boldy. Onda talyplar özlerini gyzyklandyrýan sowallara jogap tapdyrlar.
Merjen GURBANNAZAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk öwreniş
kafedrasynyň uly mugallymy.