STARTUP ULGAMLARY WE IT TELEKEÇILIGE BAGYŞLANAN ONLAÝN SEMINAR GEÇIRILDI
2024-nji ýylyň 5-nji aprelinde «Netijelilik» HJ-niň Direktory D.Maýakowskiýniň ýolbaşçylygynda «Ykdysadyýetiň dürli pudaklary üçin döwrebap sanly çözgütleri ornaşdyrmaga mümkinçilik berýän IT telekeçilik we Startup ulgamlary» atly temadan onlaýn seminar geçirildi. Seminary Türkmenistanyň Inžener-tehniki we ulag kommunikasiýalary institutynyň Maglumatlar we okatmagyň tehniki serişdeleri bölüminiň başlygy Wepa Kowsyýew alyp bardy. Özüniň döwrebaplygy bilen tanalýan IT telekeçilik we Startup ulgamlary sanly ykdysadyýetiň halk hojalyk pudaklarynyň dürli görnüşlerine aralaşmak bilen söwdanyň ösmeginde we kämilleşmeginde örän uly ähmiýeti bar. Häzirki zaman maglumat-tehnologiýalarynyň önümçilige ornaşdyrylmagy telekeçilik dünýäsinde täze mümkinçilikleri döredýär. Halkara ykdysady gatnaşyklary kafedrasynyň mugallymlary seminaryň dowamynda Innowasion ykdysadyýetiň we IT telekeçiligiň nazary esaslary, ýokary tehnologiki söwdanyň ösüş aýratynlyklary, Startup ulgamy görnüşinde intellektual işjeňligiň netijelerini meýilnamalaşdyrmagyň we taslamagyň ýörelgeleri barada giňişleýin maglumat aldylar.
Mährijemal MÄMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallymy.