“MEDENI MIRASY ÖWRENMEKDE WE GORAMAKDA HALKARA PARAHATÇYLYGYŇ HEM-DE YNANYŞMAGYŇ ORNY” ATLY HALKARA YLMY-AMALY MASLAHATY GEÇIRILDI
2025-nji ýylyň 17-nji aprelinde Magtymguly adyndaky Türkmen döwlet uniwersitetinde “Medeni mirasy öwrenmekde we goramakda halkara parahatçylygyň hem-de ynanyşmagyň orny” atly onlaýn görnüşinde halkara ylmy-amaly maslahat geçirildi. Bu maslahata ýurdumyzyň ýokary okuw mekdepleriniň, şol sanda Türkmenistanyň Daşary işler ministrliginiň Halkara gatnaşyklary institutynyň professor-mugallymlary we talyplary, daşary ýurtly wekiller sanly ulgam arkaly gatnaşdylar.
Halkara ylmy-amaly maslahatda ÝUNESKO-nyň işleri baradaky Türkmenistanyň milli toparynyň jogapkär sekretary, Türkmenistanyň Gahrymany Çynar Rüstemowa hem-de ýurdumyzyň ýokary okuw mekdepleriniň professorlary we ylmy işgärleri, şeýle-de Hytaý Halk Respublikasynyň, Türkiýe Respublikasynyň, Pakistan Yslam Respublikasynyň, Owganystanyň, Russiýa Federasiýasynyň, Bolgariýa Respublikasynyň, Ermenistan Respublikasynyň, Belarus Respublikasynyň, Azerbaýjan Respublikasynyň we Gyrgyz Respublikasynyň professorlary çykyş etdiler.
Maslahatyň dowamynda gatnaşyjylar Garaşsyz, hemişelik Bitarap Türkmenistan dünýäde parahatçylyk söýüjilikli daşary syýasaty üstünlikli durmuşa geçirmek bilen, halkara guramalaryň çäklerinde umumadamzat bähbitli başlangyçlaryň we teklipleriň öňe sürülýändigini bellediler. Hormatly Prezidentimiziň baştutanlygynda üstünlikli amala aşyrylýan deňhukuklylyk, özara düşünişmek, hoşniýetli goňşuçylyk, oňyn Bitaraplyk ýörelgelerine esaslanýan daşary syýasatymyzyň ýurdumyzyň dünýäde parahatçylygy we durnuklylygy üpjün etmek boýunça halkara başlangyçlarynyň yzygiderli ilerledilýändigi barada belläp geçdiler.
Muhammet SÜLEÝMANOW,
Türkmenistanyň Daşary işler ministrliginiň
Halkara gatnaşyklary institutynyň
Jemgyýeti öwreniş ylymlary
kafedrasynyň mugallymy.