Halkara Bitaraplyk güni mynasybetli “Breýn-ring” geçirildi
2024-nji ýylyň 24-nji dekabrynda Türkmenistanyň Daşary işler
ministrliginiň Halkara gatnaşyklary institutynda Halkara Bitaraplyk güni
mynasybetli hem-de ýurdumyzyň hemişelik Bitaraplyk derejesine eýe
bolmagynyň 29 ýyllygy bilen baglylykda “Breýn-ring” geçirildi. Bäsleşik
Ýaş diplomatlar mekdebiniň gurnamagynda geçirilip, oňa institutymyzyň
Halkara gatnaşyklary, Halkara hukugy, Halkara ykdysady gatnaşyklary,
Halkara žurnalistikasy fakultetiniň talyp ýaşlary gatnaşdylar.
Bäsleşige Dünýä dilleri kafedrasynyň müdirі Maýa Atajanowa,
Halkara ykdysady gatnaşyklary kafedrasynyň mugallymy Sülgün
Nepesowa we Halkara hukugy we deňeşdirme hukuk öwreniş
kafedrasynyň mugallymy Meýlis Gylyşaýew dagylar adalatly eminlik
etdiler.
Toparlar ýurdumyzyň häzirki wagtda parahatsöýüjilikli syýasaty
bolan Bitaraplyk syýasaty, şeýle-de BMG bilen baglanyşykly soraglara
jogap berdiler. Bäsleşigiň jemleri boýunça Halkara gatnaşyklary
fakultetiniň talyplary ýeňiji diýlip yglan edildi.
Geçirilen bäsleşik geljekki diplomatlaryň geografiýa, dünýä
ýurtlarynyň baýdaklaryny tapawutlandyryp, olaryň manysy we mazmuny
boýunça bilimlerini synap görmeklerine mümkinçilik döretdi. Bäsleşige
gatnaşyjylar ýadygärlik sowgatlary bilen sylaglandy.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.