Serdar Rahymow – GDA-nyň iň gowy talyby
Türkmenistanyň Daşary işler ministrliginiň Halkara gatnaşyklary institutynyň talyby Serdar Rahymow “GDA-nyň iň gowy talyby” atly abraýly derejä mynasyp boldy. Bu halkara bäsleşik Gazagystan Respublikasynyň ylym we bilim ministrliginiň goldawynyň esasynda Halkara ýaş alymlar assosiasiýasynyň we “BOBEK” Umumymilli hereketiniň assosiasiýasynyň ýuridiki şahslaryň bileleşiginiň gurnamagynda geçirildi. Bu taslamada Azerbaýjandan, Russiýa Federasiýasyndan, Belarus Respublikasyndan, Gazagystan Respublikasyndan, Özbegistan Respublikasyndan, Täjigistandan, Türkmenistandan, Gyrgyzystan Respublikasyndan zehinli ýaşlar we guramalaryň işjeň agzalary gatnaşdylar. Talyplardan bäsleşik üçin işler: - Ylym; - Sungat; - Sport ýaly temalardan kabul edildi. Serdar Rahymowyň GDA-nyň sportunyň, ylmynyň, biliminiň, sungatynyň ösüşine goşan goşandyny bäsleşigiň eminler toparynyň agzalary tarapyndan ýokary baha berildi hem-de I derejeli diplomy we “GDA-nyň iň gowy talyby” medaly bilen sylaglandy. Bäsleşige gatnaşan ähli talyplaryň üstünlikleri “GDA-nyň iň gowy talyby” atly halkara kitap ýygyndysyna giriziler. Halkara kitap ýygyndysyna halkara, milli we sebitleýin olimpiadalaryň, maslahatlaryň, taslamalaryň we çykyşlaryň ýeňijileriniň, jemgyýetçilik ýaşlar guramalarynyň liderleriniň we höwesjeňleriň, Milli ýygyndynyň agzalarynyň, Olimpiýa oýunlarynyň, halkara we sport ýaryşlarynyň ýeňijileriniň atlary giriziler.
Türkmenistanyň Daşary işler ministrliginiň Halkara gatnaşyklary institutynyň talyby Serdar Rahymow “GDA-nyň iň gowy ýaş alymy – 2022” adyna hem eýe bolupdy. 2023-nji ýylda bolsa Türk¬me¬nis¬ta¬nyň Ylym¬lar aka¬de¬mi¬ýa¬sy we Mag¬tym¬gu¬ly adyn¬da¬ky Ýaş¬lar gu¬ra¬ma¬sy¬nyň Mer¬ke¬zi ge¬ňe¬şi bi¬le¬lik¬de gu-ra¬magynda ýaşlarynyň arasynda geçirilýän ylmy işleriniň bäsleşiginde ýeňiji boldy. Şu wagt talyp deň-duşumyz eýýäm birnäçe halkara we milli baýraklara mynasyp bolan bugdaý kepeginden ýasalan bir gezeklik, biodegrirlenýän gap-gajyň üstünde işleýär.
DöwletýarARÇAMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.