Senagatçylar we telekeçiler birleşmesiniň 13 ýyllygyna bagyşlanan sergisi we maslahaty
2021-nji ýylyň 17-18-nji martynda Türkmenistanyň Söwda-senagat edarasynyň sergiler merkezinde Senagatçylar we telekeçiler birleşmesiniň 13 ýyllygyna bagyşlanyp, sergi we maslahat geçirildi. Sergide 170 kompaniýa öz önümlerini we hyzmatlaryny görkezdiler. Olaryň arasynda oba hojalygy, gurluşyk, söwda, bilim, ýokary tehlogoliýalar ulgamy, şeýle hem senagat we azyk önümleri, ulag we kommunikasiýa hyzmatlaryny amala aşyrýan kompaniýalar bar. Şeýle hem, sergi zalynda “Bahar-tomus 2021” moda görkezilişi guraldy.
Maslahatyň dowamynda hususy telekeçiligi ösdürmeklige gönükdirilen, hususyýetçiligi ösdürmegiň meýilnamalary hem-de döwlet maksatnamasyny we syýasatyny durmuşa geçirmegiň ýollary ara alnyp maslahatlaşyldy. Türkmenistanyň Senagatçylar we telekeçiler birleşmesi 2008-nji ýylda döredildi.
Bu guramanyň maksady, Türkmenistanda kiçi we orta telekeçiligi goldamakdan we birleşdirmekden ybarat bolup durýar. Telekeçileriň gazanan üstünlikleri boýunça ilkinji sergi şol ýylyň 17-18-nji martynda geçirilipdi. Şondan bäri hem, her ýyl TSTB agzalarynyň dürli pudaklardaky gazananlaryny sergilemek däbe öwrüldi.
Astanowa Ýulduz,
Türkmenistanyň Daşary işler ministrliginiň
Halkara gatnaşyklar institutynyň
Halkara ykdysady gatnaşyklary fakultetiniň
1-nji ýyl talyby