27/02/2024
778
SEMINAR GEÇIRILDI
2024-nji ýylyň 26-njy fewralynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary fakultetiniň guramagynda şol fakultetiň talyplary bilen “Türkmenistanyň 2021-2030-njy ýyllar üçin daşary söwda Strategiýasynda öňde goýulan maksatlar” atly seminar geçirildi. Geçirilen seminarda talyplar bilen Türkmenistanyň 2021-2030-njy ýyllar üçin daşary söwda Strategiýasynda öňde goýlan maksatlar boýunça alnyp baryljak söwda-ykdysady gatnaşyklary dogrusynda giňden gürrüň edildi we sorag-jogap alşyldy. Bu okuw sapagynyň dowamynda institutyň halkara ykdysady gatnaşyklary hünäriniň talyplary üçin tejribe alyşmakda, göni işewürlik gatnaşyklaryny ýola goýmakda bilelikdäki duşuşyklaryň, ylmy-amaly maslahatlaryň we beýleki çäreleriň geçirilmeginiň uly ähmiýetiniň bardygy bellenildi.
Okuw sapagynyň ahyrynda oňa gatnaşyjylar halkara hyzmatdaşlygy pugtalandyrmakda alyp barýan bimöçber tagallalary üçin hormatly Prezidentimize alkyş sözlerini aýtdylar.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.