“Seljuk türkmen döwletiniň daşary syýasaty” atly zehin bäsleşigi
2022-nji ýylyň 28-nji ýanwarynda Türkmenistanyň Daşary işler ministrliginiň Halkara gatnaşyklary institutynda ýaşlaryň bilimini kämilleşdirmek maksady bilen zehin bäsleşigi geçirildi. “Seljuk türkmen döwletiniň daşary syýasaty” atly temada geçirilen bäsleşige institutyň I ýyl talyplary gatnaşdylar. Bäsleşik Ýaş diplomatlaryň mekdebiniň iş meýilnamasynyň çäklerinde geçirildi. Çekeleşikli geçen bäsleşikde Halkara gatnaşyklary fakultetiniň we Halkara žurnalistikasy fakultetiniň talyplary öňe saýlanmagy başardylar. Şeýle hem bäsleşigiň dowamynda ussat ýazyjy Osman Ödäýewiň “Seljuklar” romanynyň esasynda taýýarlanan sahna oýny görkezildi.
Kerim BAÝMYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.