Sanly ulgam arkaly webinar geçirildi
2025-nji ýylyň 26-njy martynda Türkmenistanyň Daşary işler ministrliginiň
Halkara gatnaşyklary institutynda Türkmenistanyň hemişelik Bitaraplygynyň 30
ýyllygyna, Birleşen Milletler Guramasynyň Baş Assambleýasy tarapyndan 2025-
nji ýylyň “Halkara parahatçylyk we ynanyşmak ýyly” diýlip yglan edilmegine
bagyşlanan webinar geçirildi. Türkmenistanyň Halkara parahatçylyk we
ynanyşmak ýylynyň dowamyndaky işleriniň hem-de ugurlarynyň Konsepsiýasyna
laýyklykda geçirilen bu webinarda Türkmenistanyň Daşary işler ministrliginiň
Halkara gatnaşyklary institutynyň Dünýä dilleri kafedrasynyň uly mugallymy,
filologiýa ylymlarynyň kandidaty Şöhrat Diwangulyýew çykyş etdi.
Webinar «Расширение взаимопонимания отношений и эффективного
сотрудничества между государствами и народами в Международный год
мира и доверия» (Halkara parahatçylyk we ynanyşmak ýylynda döwletleriň we
halklaryň arasyndaky gatnaşyklarda özara düşünişmegi we netijeli hyzmatdaşlygy
giňeltmek) temasyna bagyşlanyp, oňa sanly ulgam arkaly Türkmenistanyň ýokary
we orta hünär okuw mekdepleriniň mugallymlary we talyp ýaşlary gatnaşdylar.
Okuw sapagynda halypa mugallym ýurdumyzyň halkara gatnaşyklarynda alyp
barýan hemişelik Bitaraplyk syýasaty we häzirki döwürde parahatçylygy,
howpsuzlygy we durnukly ösüşi üpjün etmek babatda halkara hyzmatdaşlygyny
giňeltmekde onuň ähmiýeti hem-de ýurdumyzyň saýlap alan parahatsöýüjilikli
daşary syýasatynyň geçen taryhy döwründe gazanylan oňyn tejribeler dogrusynda
gürrüň berdi.
Tejribeli mugallymyň geçiren okuw sapagy geljekde diňe bir diplomatiýa
ulgamynda däl, eýsem, ýurdumyzyň beýleki pudaklarynda hem zähmet çekjek
talyp ýaşlaryň bu ugurda bilimlerini artdyrmaklaryna ýardam etdi.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
III ýyl talyby.