Sanly ulgam arkaly geçirilen maslahat
2024-nji ýylyň 1-nji oktýabrynda Myrat Garryýew adyndaky Türkmenistanyň Döwlet lukmançylyk uniwersiteti tarapyndan guralan ýurdumyzyň ýokary okuw mekdepleriniň professor-mugallymlarynyň gatnaşmagynda «Hünäri kesgitlemek we bilimi kämilleşdirmek üçin onlaýn programma üpjünçiligi» atly onlaýn görnüşinde okuw-usuly maslahaty geçirildi. Agzalan okuw-usuly maslahata Türkmenistanyň Daşary işler ministrliginiň Halkara gatnaşyklary institutynyň professor-mugallymlary hem onlaýn arkaly gatnaşdylar. Bu maslahat ýurdumyzyň ýokary okuw mekdeplerindäki sapaklary dünýäniň abraýly okuw mekdepleriniň sanawyna goşmak boýunça alnyp barylýan işleri kämilleşdirmek, dürli testleri alyp barmak, maglumat çeşmelerini özünde jemlemek, dürli bibliometrik görkezijiler bilen bagly düşünjeleri artdyrmak maksady bilen guraldy.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.