Şanly senelere degişli okuw sapaklaryny guramak bilen bagly okuw-usuly seminar geçirildi
2025-nji ýylyň 21-nji ýanwarynda Türkmenistanyň Daşary işler ministrliginiň Halkara gatnaşyklary institutynda Türkmenistanyň Halkara parahatçylyk we ynanyşmak ýylynyň dowamyndaky işleriniň we ileri tutýan ugurlarynyň Konsepsiýasyna, ýurdumyzda bellenip geçilýän şanly seneleriň ýokary we orta hünär okuw mekdepleri tarapyndan mynasyp garşylanmagyny guramak we geçirmek hakynda Türkmenistanyň Bilim ministrliginiň buýrugynyň çäklerinde okuw-usuly seminar geçirildi. Bu okuw-usuly seminara ýurdumyzyň ýokary okuw mekdepleriniň professor mugallymlary gatnaşdylar.
Bu okuw-usuly seminaryň başynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň Bitaraplygynyň 30 ýyllygy hem-de 2025-nji ýylyň BMG-niň Baş Assambleýasy tarapyndan “Halkara parahatçylyk we ynanyşmak ýyly” diýlip yglan edilmegi mynasybetli çäreleri ýokary derejede geçirmek boýunça hormatly Prezidentimiziň Permanyna laýyklykda döredilen guramaçylyk döwlet toparynyň mejlisiniň geçirilendigini bellediler. Gahryman Arkadagymyz şol mejlisde ýokary okuw mekdeplerinde şanly senä degişli okuw sapaklaryny yzygiderli guramak boýunça beren tabşyryklaryndan ugur alnyp, Türkmenistanyň Bilim ministrliginiň buýrugy esasynda ýokary okuw mekdeplerinde 2025-nji ýylyň dowamynda geçiriljek okuw sapaklaryny guramak boýunça Iş topary döredildi.
Okuw-usuly seminaryň dowamynda oňa gatnaşyjylar Türkmenistanyň Bitaraplygynyň 30 ýyllygy we Halkara parahatçylyk we ynanyşmak ýyly mynasybetli okuw toparlarynyň ýolbaşçylary tarapyndan 2025-nji ýylda talyplar bilen geçirilmeli okuw we terbiýeçilik işleriniň meýilnamasyny taýýarlamak boýunça pikir alyşdylar we bu babatda birnäçe teklipleri maslahatlaşdylar.
Miwe NABATOWA,
Türkmenistanyň Daşary işler ministrliginiň
Halkara gatnaşyklary institutynyň mugallymy.