Saglyk aýynda sport ýaryşlary dowam edýär
“Arkadag Serdarly bagtyýar ýaşlar” ýylymyzda ýaş nesli, köpçülikleýin bedenterbiýä we sporta höweslendirmek, sagdyn durmuş ýörelgelerine çekmek ugrunda alnyp barylýan işler günsaýyn artýar. Geçirilýän sport bäsleşikleridir ýaryşlar türkmen ýaşlarynyň sportuň dürli görnüşlerine bolan gyzyklanmalaryny artdyryp, ýurdumyzyň sport abraýyny has-da belende galdyrmaga giň mümkinçilikler berýär.
2023-nji ýylyň 17 – 21-nji apreli aralygynda Türkmenistanyň Daşary işler ministrliginiň Halkara gatnaşyklary institutynda Türkmenistanyň orta mekdepleriniň okuwçylarynyň arasynda gandbol boýunça ýaryşlar geçirildi. Çekeleşikli geçen bu ýaryşlara ýurdumyzyň dürli künjeklerinden toparlaryň aglabasy gatnaşyp, sport başarnyklaryny görkezdiler.
Okuwçy oglanlaryň we gyzlaryň arasynda aýratynlykda guralan bu ýaryşlar gyzgalaňlylygy we şadyýanlygy bilen tapawutlandy. Ýeňiş gazanan hem-de işjeň gatnaşan toparlara Hormat hatlary we ýadygärlik sowgatlar gowşuryldy.
Aýşirin DÖWLETOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.
https://turkmenistaninfo.gov.tm/news/532