SAGDYN DURMUŞ ÝÖRELGESINE BAGYŞLANAN DUŞUŞYK
2024-nji ýylyň 3-nji oktýabrynda Türkmenistanyň Daşary işler ministrliginiň Halkara gatnaşyklary institutynyň ilkinji Zenanlar guramasy bilen Türkmenistanyň Saglygy goraýyş we Derman senagaty ministrliginiň Aşgabat şäheriniň Onkologiýa ylmy-kliniki merkeziniň bilelikde guramagynda institutyň talyp gyzlarynyň arasynda ýaşlaryň saglygyny, işjeňligini we ömrüni uzaltmagyň netijeli ýollary, maşgalanyň sagdyn bolmagy, zyýanly endikleriň adam saglygyna ýetirýän täsirini düşündirmek, arassaçylyk kadalaryny berjaý etmeklik bilen bagly duşuşyk geçirildi.
Duşuşykda Türkmenistanyň Saglygy goraýyş we Derman senagaty ministrliginiň Aşgabat şäheriniň Onkologiýa ylmy-kliniki merkeziniň lukmany Teýmirow Nurmuhammet Azatowiç çykyş etdi. Lukman öz gezeginde ýurdumyzda ösüp gelýän ýaş nesliň saglygynyň maşgaladan başlanýandygy, sagdyn jemgyýeti kemala getirmegiň ähmiýeti dogrusynda gürrüň berdi. Şeýle-de, lukman özüniň çykyşynda paýtagtymyzda we welaýatlarda hereket edýän Onkologiýa ylmy-kliniki merkezlerinde halka edilýän lukmançylyk hyzmatlarynyň hilini gowulandyrmakda alnyp barylýan işler we bu ugurda döwlet tarapyndan döredilýän ähli şertdir mümkinçilikler dogrusynda aýdyp geçdi.
Lukman sözüniň ahyrynda Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, başlarynyň dik, Garaşsyz, hemişelik Bitarap döwletimizi mundan beýläk-de ösdürmek babatda alyp barýan ähli tutumlarynyň rowaç bolmagyny arzuw etdi.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy,
institutyň ilkinji Zenanlar guramasynyň başlygy.