“Sagdyn durmuş ýörelgesi — ýaş nesliň saýlawy” atly okuw çäresi geçirildi
2025-nji ýylyň 10-njy aprelinde Türkmenistanyň Daşary işler ministrliginiň Halkara gatnaşyklary institutynyň sport toplumynda Bütindünýä saglyk güni mynasybetli, Türkmenistandaky BMG-niň Neşe serişdeleri we jenaýatçylyk baradaky müdirliginiň (UNODC) hem-de Ysraýylyň Türkmenistandaky Ilçihanasy bilen bilelikde guramagynda «Saglykly durmuş ýörelgesi — ýaş nesliň saýlawy» atly okuw çäresi geçirildi.
Çärä Ysraýylyň Türkmenistandaky Ilçihanasynyň wekilleri, Türkmenistanyň Daşary işler ministrliginiň Halkara gatnaşyklary institutynyň mugallymlary we talyplary gatnaşdylar. Onuň dowamynda institutyň ylmy işler boýunça prorektory B.Mätliýew we Ysraýylyň Türkmenistandaky Ilçihanasynyň jemgyýetçilik gatnaşyklary boýunça hünärmeni A.Aşyrow çykyş etdiler.
Çykyşlaryň dowamynda ýaşlaryň sagdyn durmuş ýörelgesine eýermekleri bilen bagly ýurdumyzda alnyp barylýan işler dogrusynda giňişleýin gürrüň edildi.
Şyhdurdy ŞYHYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň II ýyl talyby.