Sagdyn beden – sagdyn ruh
2025-nji ýylyň 9-nji aprelinde Myrat Garryýew adyndaky Türkmenistanyň
Döwlet lukmançylyk uniwersitetiniň guramagynda «Ýaşyl planeta-sagdyn adam:
durnukly geljege tarap ýol» atly tema boýunça onlaýn görnüşde açyk sapagy
geçirildi. Oňa ýurdumyzyň ýokary okuw mekdepleriniň, lukmançylyk orta hünär
okuw mekdepleriniň, şeýle hem Türkmenistanyň Daşary işler ministrliginiň
Halkara gatnaşyklary institutynyň lukmany, talyp ýaşlary gatnaşdylar.
Açyk sapakda Gahryman Arkadagymyzyň başlangyjy bilen işlenip düzülen
hem-de Arkadagly Gahryman Serdarymyzyň parasatly baştutanlygynda üstünlikli
dowam etdirilýän «Saglyk» Döwlet maksatnamasyndan gelip çykýan, şeýle hem
«Türkmenistany durmuş-ykdysady ösüşiniň 2011 — 2030-nji ýyllar üçin Milli
maksatnamasynyň», Türkmen halkynyň Milli Lideri Gahryman Arkadagymyzyň
«Ýokanç däl keselleriň öňüni almagyň we olara garşy göreşmegiň Milli
strategiýasynyň», «Türkmenistanyň ilatynyň sagdyn iýmitlenmegi boýunça 2024-
2025-nji ýyllar üçin Milli maksatnamasynyň» talaplarynyň durmuşa geçirilişi
dogrusynda giňişleýin söhbet etdiler. Şunuň bilen baglylykda, häzirki wagtda
howanyň üýtgemegi bilen bagly ýüze çykyp biläýjek keselleriň öňüni almakda
degişli arassaçylyk kadalarynyň berk berjaý edilmelidigini nygtadylar.
Bu açyk sapak ýaş nesilleriň berk bedenli, sagdyn ruhly, kämil adamlar
bolup ýetişmeklerine oňyn täsir etdi.
Gülüstan JOMARTOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.