Resmi saparyň jemlerine bagyşlanan maslahat
2023-nji ýylyň 27-nji oktýabrynda Türkmenistanyň Daşary işler ministrliginiň Halkara gatnaşyklary institutynda mugallymlaryň, talyp ýaşlaryň gatnaşmagynda Türkmenistanyň Prezidenti Serdar Berdimuhamedowyň Türkiýe Respublikasyna amala aşyran resmi saparynyň netijelerine bagyşlanan maslahat geçirildi. Maslahatyň dowamynda Türkmenistan bilen Türkiýe Respublikasynyň arasynda aýratyn häsiýete eýe bolan özara gatnaşyklaryň ulgamy hakynda gürrüňdeşlikler geçirildi.
Maslahatda çykyş edenler hormatly Prezidentimiziň öňdengörüjilikli baştutanlygynda Türkmenistan döwletimiziň ösüşiň we abadançylygyň ak ýoly bilen ynamly öňe barýandygyny nygtap geçdiler. Soňky ýyllarda ýurdumyzda gazanylýan ägirt uly üstünlikler, durmuş-ykdysady, medeni-ynsanperwer ulgamlarda durmuşa geçirilýän giň möçberli işler Watanymyzyň dünýädäki belent abraýyny şertlendirdi.
Maslahatda çykyş edenleriň belleýşi ýaly, berkarar döwletiň täze eýýamynyň Galkynyşy döwründe ýurdumyzyň Bitaraplyk derejesine esaslanýan daşary syýasatynda hoşniýetli goňşuçylyga, birek-birege sarpa goýmaga, dünýä döwletleri, iri halkara guramalary bilen özara bähbitli hyzmatdaşlyga aýratyn üns berilýändigi nygtaldy.
Şöhrat ATAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 3-nji ýyl talyby