“ECOCLUB” GURNAGYNYŇ AGZALARY BILEN GEÇIRILEN ÝOWAR
2024-nji ýylyň 8-nji oktýabrynda Aşgabat medeni ˗ dynç alyş seýilgähinde Türkmenistanyň Daşary işler ministrliginiň Halkara gatnaşyklary institutynyň Dünýä dilleri kafedrasynyň “EcoClub” gurnagynyň agzalary bilen “Tebigaty gora - dünýäni gora” atly ýowar geçirildi.
Bu çäre ýaşlaryň arasynda ekologiki düşünjäni ýokarlandyrmaga we tebigata, suw baýlyklaryna, ösümlik we haýwanat dünýäsine ideg etmäge, şeýle hem tygşytly sarp etmek we galyndylary azaltmak we dolandyrmak bilen baglanyşykly düşünjeleri ösdürmäge ýardam etdi. Şeýle çäreleriň yzygiderli geçirilmegi tebigatyň gözelliklerini gorap saklamak we ony geljekki nesillerimize ýetirmek üçin uly ähmiýete eýedir.
Seýilgähde geçirilen ýowaryň ahyrynda “EcoClub” gurnagynyň agzalary ýadygärlik surata düşdüler.
Meret MEREDOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.